Johannes Vogel: Predigten
a j Anno domini 1522 In dem namen got des ewigen vatters vnd des suns vnd des Heiligen geystes heb ich an dyse matery fast nucz vnd dem menschen ser trostlich wyder dy anfechtung des poßen geistes, vnd anders das dem menschen vrsach [?] mach sein zu anfechtung, wy sich ein mensch dar inen Halten sol, als der ... wirdig vatter johanes vogel dy zeit vnser getrewer selsorger vnd peicht vatter geweßen in vnßer kirchen geprediget hat, dyße materya angefangen an dem ersten suntag in der fasten in dem jar nach cristi gepurt do man zalt xxij jar der mynder zal Laus deo. Dy erst predigt mit samt einer for red dy vnß weiß zu samen auf dy materya / got helf daß eß [?] vererdt [?] werd zu gotteß lob vun zu der selseligkeit daß helf mir JHS Christus vnd maria dy mutter gottes durch jr fur pyt Amen.
Am Sontag Inuocauit yn 40ten [?]. Beatus vir qui suffert temptationem quia cum probatus fuerit accipiet coronam vite etc. iacobi po ca, Selig ist der man der anfechtung leidt, und jn der ist [?] uber winden, der wirt erlangen dy kron des ewigen lebens, dy got von ewigkeit den seinen bereyt hat, die yn belieben. wol wir im diße wort weyter zu versten sein ... --- ... Also mugen leben nach gottes willen vnd unßer sel seligkeit, dar mit wir mugen erfunden werden jn lebendigem puch der ewigen seligkeit, zu dem helf vns got durch dy fur pyt der reinen kunigin [?] maria alle Amen. O du werde mutter gottes pyt fur mich arme sunderin. |
